البشر انواع مش من سهل تصنيفهم ....و مش كل تصنيف ممكن يكون مفيد لك
يعني في تصنيف بالابراج و في بشهرالميلاد و في بالحركات و في بالشكل و في حتى بالميول والدراسة
لكن مهما قرأت في تصنيف و نوعية البشر ..... مش هتعرف تتعامل الا بخبرتك انت
و تصنيفك انت
لانه حسب طريقة تعاملك مع الناس بيكون رد فعلهم ....اللي في احيانا كتير بيختلف من شخص للتاني
برضو حسب رد الفعل
من وحي خبرتي
اكتشفت ان في توراثنا الشعبي ...الامثال
هتلاقي مجموعة منها تنطبق على مجموعة من الناس اللي بتتعامل معاهم
يعني هتلاقي حد ينطبق عليه .......ديل الكلب عمره ما يتعدل
و في اللي هينطبق عليه ........ نهيتك ما انتهيت و الطبع فيك غالب
او ......... الحظ لما يواتي يخلي الاعمى ساعاتي
او علم في المتبلم يصبح ناسي
اهم شئ
انك تعرف صاحبك و تعلم عليه زي ما بيقولوا
عشان لانك انسان لازم تعيش مع الناس
و لان ربنا اهداك عقل لازم تستخدمه
مش ممكن كل ما هتمشي خطوة في حياتك هترجع اتنين
بسبب خطأك في اختيار اللي حواليك
صنف الناس زي ما تحب
بس اتعامل صح ....
ليست هناك تعليقات:
إرسال تعليق