ساعات كده بحس اني مشحونة
ملحوظة :انا في هندسة كميائية يعني كلامي هيكون في مصطلحات عجيبة كتير فنتقبلها بقى وامرنا لله
المهم زي ما قلت باحس احيانا اني مشحونة , المشكلة مش في الشحنة الموجبة المشكلة في السالبة
الشحنة السالبة في تعريفي للشحنات هي كل المشاعر السالبة
فجأة كده بدون اي مقدمات الاقي نفسي متكهربه و الجو مشحون بغيوم
ده بقى يعمل اكتئاب
على غضب
على خنقة وحرقة دم وقلق
كله كده مع بعضه
يمكن ده بسبب الضغط الدراسي ويمكن بسبب اني بمل بسرعة
ويمكن لاني بحس احيانا ان مفيش فايدة واني باحفر في الصخر
و يمكن يكون السبب ان الانسان ممكن تمر به مراحل يحس فيها بضعف العزيمة والوهن والرغبة في السكون
كده وصفت القضية ..... قضيتي اني احيانا باكون مشحونة بشحنة سالبة
طيب والحل
الحل فين؟؟؟
اكيد في كلام زي بلاش يأس انتم امل المستقبل انتم الحاضر السعيد والمستقبل المبهج
تمام
انا مقتنعة بده ..... بس المشكلة ان الشحنات دي لازم تلاقي حاجة تهديها ,تعادلها , تسحبها برضو ممكن
مشكلتي دائما في توجيه شحناتي .....ما هو انا لازم اوجهها لاحسن افرقع
احيانا تكون الشحنات دي قدرات مدفونة نفضت ترابها وخرجت
لكنها لاقت ان الوضع غير مهيأ لاستغلالها فثارت عليا واعلنت العصيان
و احيانا تانية تكون النظرة المتشائمة لنص الكوب الفارغ اللي مش راضي يتملي
و ممكن ضغط الاستفزازات الخارجية دراسة على معاملات
هل ممكن يكون في حل لمشكلة انسان سالب الشحنة؟
حاجة كده يعملها تغير حالته تعادل شحناته او توجهها لاتجاه يمنحه استقرار؟
هل ممكن يكون في حل لده؟
ولا اشوف لي دكتور نفساني متخصص شحنات؟؟؟
ههههههههههه
ردحذفالكيميا لحست دماغك يا نورا هههههههه
بس الحل بسييط جدا فرغي الشحنات السالبه دي وصلي نفسك بالgroumd هههههههه
على فكرة مش بهزر اكيد عارفه انك لما بتسجدي في الصلاه بتفرغي شحنات ..لما توصلي لمرحله من اليأس عاليه قوي كده اتوضي وصلي ركعتين وفكري في ايحاجه تعمليها انتي بتحبيها
حتى لو مجنونة بس اصل الواحد لما يكبت نفسه مش هيقدر يكمل وهيفرقع في الاخر :D
وانا شايفه ان المدونه دي هتخليكي تطلعي كل اللي جوه صراحه
فانتي كده لقيتي الوسيله اللي بدوري عليها وانتي مش واخده بالك
ودي الشحنات الموجبه اللي هتشحني نفسك بيها بعد ما تفرغي السابه
وربنا معاكي يا بنتي
:D
انا بجد اللي هيفرغ شحناتي اني اخلص السنة دي بامان
ردحذفساعتها بقى مش هيبقى في شحنات سالبة خالص
هتشوفي بقى الشحنات الموجبة بتاعتي... حاجة يعني اخر هنا ههههههه
عارفة يا نانا ان مفيش اي وقت لعمل اي حاجة
ردحذفحاسة ان الضغط عامل لي حصار
اقامة جبرية