على اول شارعنا فرح
دي حقيقة على فكرة وانا باكتب الكلام ده
في على اول شارعنا فرح
واضح انه فرح جامد جدا الدي جي شغال من الساعة سابعة
ولسه مكمل
وهيكمل
وهيطربني بكل اغانينا التراثية من نوعية الحنطور وبحب يا..... والعنب والخيار والسلطة
واغاني تانية كده مش باين الكلام من قوة تاثر حنجرة المطرب العظيم بالكلمات واللحن
فالاصوات خارجة في ما يشبه صوت شكمان عربية بيودع
اه
نسيت اقولكم عقبالكم ...و الف مبروك
نرجع لموضوعنا
لما بيكون في فرح في شارعنا او على اوله او حتى على بعد كيلو كده
لازم اكون عارفة قبلها باسبوع ......
ليه؟؟؟ .........سؤال وجيه جدا
لان في مجتمعنا ناس مقتنعة تمام الاقتناع ان الشارع والحارة والمنطقة والحي والمحافظة
ابعدية خاصة
لما يكون عندهم فرح لازم يكون فرح محترم
اغاني بقى طول النهار والليل
والصوت لازم يسمع سابع جار ....مش النبي وصى عليه لازم نفرح قلبه الحزين
و لا عزاء بقى للمرضى واخواتهم المصدعين ... ولا عزاء للطلبة ولا لاي بني ادم راجع من شغله تعبان عايز يرتاح
عشان كده لازم ابقى عارفة من قبلها عشان اغير جدول اعمالي و احضر ادوية
الصداع والمهدئات
لكم ان تتخيلوا اني حاسة اني جوا خلاط
وانا وداني هاتفرقع عشان تحي العروسين
بذمة بقى ده يبقى اسمه كلام ؟؟؟؟؟؟؟؟
7elw awy ya nora 3andek 7a2 ya benty walahy 7aga tesda3 eldema3' :(
ردحذفاهلا هبة
ردحذفانت عارفة ان الفرح خلص تلاتة الصبح
و مش طلع فرح كمان دي خطوبة
انا كنت على نهايته هاموت من الخبط اللي في وداني
عقبالك فرحك يا بيضاء
ردحذفD:
انا عن نفسي مش هاعمل فرح ان شاء الله
ردحذفلا ما انا عارفه انك مش هتعملى فرح
ردحذفانتى هتعملى مولد و مصر كلها تحضر فيه
D:
هههههههههههه
ردحذفليه هو العريس ولي
ههههههههههههههههههههههههههههههه
على فكرة انا زيك يا نورا
ردحذفمش هعمل فرح ومش عايزة فرح
هو ان شاء الله في المسجد واللي عايز يجي اهلا وسهلا
وبعد كده يبقى في يوم لاصحابي يجوا يهنوني مع بعضينا نقضي وقت
لكن الهبل اللي بيحصل في الافراح ده
والله يا نورا حتى البيعملوها في قاعات وكده
بجد بيتحرق دمي
وقبل اي فرح من بتوع قرايبنا بروحه بعد استغفر ربنا على كم الذنوب اللي هشيلها
ربنا يعفينا من الحاجات دي يا بنتي
:D
انا كمان مش بحب الافراح ولا البروباجندا دي
ردحذفو بعدين انت لو عملتي للمعازيم فرح دولي في مقر الامم المتحدة و رحلة لكل معزوم لهاواي
برضو هيخرجوا يتكلموا وينتقدوا و يمكن يشتموا كمان
هههههههههههههه
هههههههههههههههههههه
ردحذفحلوة العريس ولى دى يا نورا
والنبي يا اختى خليه يدعلنا ربنا يعدى الايام دى على خير
D:
ههههههههههه
ردحذفاحم احم
اولا مش تتريقي على عريسي لو سمحتي.....ههههههههه
و بعدين مش يدعي لي الاول